Talmeinafræði, forkröfur, Undirbúningsnám, 75 einingar
A.m.k. 120 einingar til BA/BS/BEd-prófs. Námskeið í undirbúningsnáminu geta gilt sem hluti BA/BS/BEd-prófs að einhverju eða öllu leyti skv. reglum viðkomandi deildar.
Ásgrímur Angantýsson prófessor.
Einar Guðmundsson prófessor.
Fanney Þórsdóttir dósent.
Freyja Birgisdóttir dósent.
Guðmundur Bjarni Arnkelsson prófessor.
Helga Thors aðjunkt.
Jóhannes Gísli Jónsson prófessor.
Sigríður Sigurjónsdóttir prófessor.
Vaka Vésteinsdóttir lektor.
Undirbúningsnámi þessu er ætlað að gera nemendum sem hyggja á meistaranám í talmeinafræði við HÍ kleift að uppfylla þær faglegu forkröfur sem gerðar eru.
Haustið 2010 hófst kennsla í talmeinafræði á meistarastigi við Háskóla Íslands. Nemendur verða að hafa lokið grunnháskólagráðu (BA/BS/BEd) áður en eiginlegt meistaranám í talmeinafræði hefst. Auk þess eru gerðar forkröfur um tiltekin námskeið í íslenskri málfræði og sálfræði.
Einungis eru teknir inn 15 nemendur í meistaranám í talmeinafræði annað hvert ár. Námið tekur tvö ár og lýkur með meistaragráðu. Að því loknu geta nemendur sótt um starfsleyfi til landlæknis.
Forkröfur til að geta hafið meistaranám í talmeinafræði við HÍ
Inntökuskilyrði í meistaranámið eru BA/BS/BEd-próf með fyrstu einkunn. Nemendur skulu einnig hafa lokið eftirtöldum námskeiðum eða öðrum sambærilegum*, áður en eiginlegt nám í talmeinafræði hefst.
Málfræði (íslenska/almenn málvísindi) - 40 einingar (sjá hér að neðan)
Hugsanlegt er að fá önnur málfræðinámskeið metin í stað neðangreindra námskeiða og verður það metið sérstaklega hverju sinni.
Sálfræði - 35 einingar (sjá hér að neðan)
Hugsanlegt er að fá önnur sambærileg námskeið metin í stað neðangreindra námskeiða og verður það metið sérstaklega hverju sinni.
Annað grunnnám
Önnur sambærileg grunnnámskeið sem nemendur kynnu að hafa í upphafi náms verða metin sérstaklega, t.d. ef nemandi hefur lokið grunnnámi í talmeinafræði við erlendan háskóla.