Stærðfræði, Doktorspróf, 180 einingar
Doktorsnám felst einkum í rannsókn sem lýkur með doktorsritgerð. Doktorsritgerðin skal vera 180 einingar. Doktorsnefnd getur gert kröfu um að nemandi í doktorsnámi ljúki einnig námskeiðum. Einingar fyrir námskeið bætast þá ofan á þær einingar sem gefnar eru fyrir doktorsritgerð.
Skilgreining
Doktorsnám í stærðfræði er þriggja ára nám við Raunvísindadeild Verkfræði- og náttúruvísindasviðs, Háskóla Íslands. Námið er a.m.k. 180e og er fullgilt nám til prófgráðunnar philosophiae doctor.
Meginhluti námsins er 180e rannsóknaverkefni undir handleiðslu leiðbeinanda. Nemandi semur ritgerð sem ber vott um yfirgrípsmikla þekkingu á völdu sérsviði og hefur að geyma nýjar og athyglisverðar niðurstöður.
Tegund þekkingar
Að nemandinn búi yfir þekkingu og skilningi sem hann hefur öðlast með einstaklingsbundnum rannsóknum.
Niðurstöður nemanda skulu vera mikilvægt framlag til þróunar á tlteknu sviði stærðfræði.
Að nemandinn hafi haft frumkvæði að sköpun nýrrar þekkingar í stærðfræði og túlkun hennar með rannsóknum sem standast rýni fræðimanna á fræðasviðinu.
Þekking, hæfni og færni
1 Þekking og skilningur.
1.1 Nemandi öðlast djúpa og ítarlega þekkingu á völdu sérsviði stærðfræðinnar sem er vettvangur nútímalegra rannsókna.
1.2 Nemandi þekkir stöðu sérgreinar sinnar innan nútímastærðfræði og tengsl hennar við aðrar sérgreinar.
2 Fræðileg færni og hæfni.
2.1 Nemandi hefur full völd á völdu sérsviði stærðfræðinnar.
2.2 Nemandi getur haft frumkvæði að sköpun nýrrar þekkingar enda hefur hann lagt til nýjar og athyglisverðar niðurstöður í doktorsritgerðinni.
2.3 Nemandi getur unnið sjálfsstætt að rannsóknum í sinni sérgrein.
2.4 Nemandi getur leyst krefjandi fræðileg verkefni á sínu sérsviði.
3 Hagnýt færni og hæfni
3.1 Nemandi getur haft frumkvæði að rannsóknarverkefni í stærðfræði.
3.2 Nemandi getur skipulagt og stundað rannsóknir í stærðfræði.
4 Hæfni í samskiptum, miðlun og upplýsingalæsi
4.1 Nemandi getur unnið með öðrum fræðimönnum að rannsóknarverkefni í stærðfræði.
4.2 Nemandi getur ritað fræðigreinar í stærðfræði.
4.3 Nemandi getur samið og kennt námskeið í stærðfræði á háskólastigi.
4.4 Nemandi getur samið og flutt fyrirlestra um nýjustu rannsóknir á sínu sérsviði.
4.5 Nemandi getur samið umsóknir um rannsóknastyrk.